Bakı. Trend:
ABŞ prezidenti Donald Tramp Kolumbiya prezidenti Qustavo Petronu
narkotik qaçaqmalçılığında iştirak etməkdə günahlandıraraq
Venesuela əməliyyatına bənzər bir əməliyyatın baş verəcəyini
istisna etməyib.
Trend-in
məlumatına görə, bu barədə D.Tramp jurnalistlərə deyib.
Onun sözlərinə görə, Kolumbiya “kokain istehsal etməkdən və
ABŞ-yə satmaqdan zövq alan xəstə bir adam tərəfindən idarə
olunur”.
“Onun kokain fabrikləri var”, – deyə ABŞ prezidenti
bildirib.
ABŞ-nin Kolumbiyaya qarşı əməliyyat keçirib-keçirməyəcəyi ilə
bağlı suala o belə cavab verib: “Mənim üçün bu, cəlbedici
səslənir”.
