Bakı. Trend:
Uruqvaylı futbolçu Luis Suares “İnter Mayami” klubu ilə yeni
müqavilə imzalayıb.
Trend-in məlumatına görə, bu barədə ABŞ futbol klubunun mətbuat
xidməti bildirib.
Məlumata əsasən, müqavilə 2026-cı il MLS mövsümünün sonuna qədər
qüvvədə olacaq.
Qeyd edək ki, 38 yaşlı L.Suares “İnter Mayami”də debütünü
2024-cü ilin əvvəlində edib. O, “İnter Mayami”də bütün turnirlərdə
87 oyunda 42 qol vurub və 30 məhsuldar ötürmə edib.
