“Kəpəz” klubu yayda yollarını ayırdığı futbolçunu yenidən transfer edəcək

“Kəpəz” klubu yayda yollarını ayırdığı Rauf Hüseynlini yenidən transfer edəcək.

“Report”un əldə etdiyi məlumata görə, “sarı-göyər” 25 yaşlı müdafiəçini azad agent kimi sıralarına qatacaq.

Qeyd edək ki, cari mövsümün əvvəlində müqaviləsinin müddəti başa çatan R.Hüseynli “Kəpəz”i tərk etmişdi. O, ötən mövsüm çempionatda 27 matça çıxaraq 2 qol vurub, 2 məhsuldar ötürmə verib.