Bakı. Trend:
Fransada etirazçıların hökumətin yaxınlaşan büdcə ixtisarlarını
ləğv etməsi tələbi ilə 240-dan çox məkanda etiraz aksiyaları və
tətil keçirəcəyi bildirilib.
Trend xarici
KİV-ə istinadən xəbər verir ki, Fransa Prezidenti Emmanuel Makron
və yeni Baş nazir Sebastian Lekornu ölkənin büdcəsini qaydaya
salmaq üçün təzyiq altındadırlar.
Fransa, avrozonada Almaniyadan sonra ikinci ən böyük
iqtisadiyyat sayılır. Amma həmkarlar ittifaqları əksinə, hökumətdən
daha çox pulun dövlət xidmətlərinə xərclənməsini, varlılardan əlavə
vergi alınmasını və pensiya sistemində edilmiş dəyişikliklərin
ləğvini istəyirlər.
Əmək Konfederasiyasının (CGT) Baş katibi Sofi Bine deyib:
“Əvvəlcə biz bilmək istəyirik ki, hökumətdə kimlər olacaq. Sonra
isə bilmək istəyirik ki, büdcə necə olacaq. Əgər büdcədə hər hansı
geriləmə və ya ixtisar olsa, biz buna razı olmayacağıq.”
