Bakı. Trend:
Pentaqon rəsmiləri ABŞ ordusunun təxminən 3 min əsgərdən ibarət
82-ci Hava-Desant Diviziyasının briqadasını və diviziya
qərargahının bəzi bölmələrini İrandakı hərbi əməliyyatları
dəstəkləmək üçün göndərməyi planlaşdırır.
Trend xəbər verir
ki, bu barədə “The New York Times” məlumat yayıb.
Belə sürətli reaksiya qüvvələri 18 saat ərzində dünyanın
istənilən yerinə yerləşdirilə və İranın əsas neft ixrac mərkəzi
olan Xarq adasını ələ keçirmək üçün istifadə edilə bilər. Rəsmilər
qeyd edir ki, Pentaqon hələlik əmri verməyib və hərəkətlər
ehtiyatlı şəkildə planlaşdırılır.
Məlumata görə, Xarq adasındakı aerodrom ABŞ-ın son
bombardmanları nəticəsində zədələnib. Buna görə ilkin hücum dəniz
piyadaları ilə həyata keçirilə bilər, daha sonra isə 82-ci
Hava-Desant Diviziyası qoşunları ilə gücləndirmə aparmaq mümkündür.
Paraşütçülərin üstünlüyü gecə vaxtı sürətli yerləşdirilmə
imkanıdır, mənfi tərəfi isə ağır texnika daşıya bilməmələridir.
Diviziya qərargahı mürəkkəb döyüş mühitində missiya
planlaşdırması və koordinasiyası üçün mərkəz rolunu oynayacaq.
