Kriştiano Ronaldo “Əl-Nəsr”dən ayrılacağı təqdirdə Avropa klublarından birinə transfer ola bilər.
Metbuat.az xəbər verir ki, “Mançester Yunayted”in futbolçunun xidmətində maraqlı ola biləcəyi iddia edilib. İddialara görə, Ronaldonun müqaviləsində onun növbəti transfer dövründə klubdan ayrılmasına imkan verən 60 milyon dollarlıq bənd var. Ronaldonun yaşlı olmasına baxmayaraq İngiltərə nəhəngi üçün həm idman, həm də kommersiya məqsədləri üçün faydalı ola bilər. “Sky Sports”un məlumatına görə, Ronaldo daha güclü idman zəmanətləri verilmədiyi təqdirdə həm Dövlət İnvestisiya Fonduna, həm də Səudiyyə Pro Liqasına Səudiyyə Ərəbistanından ayrılmaq istədiyi barədə məlumat verib.
Qeyd edək ki, “Əl-Nəsr”in Kriştiano Ronaldonun bəzi tələblərini yerinə yetirdiyi və futbolçunun etiraz aksiyasını yekunlaşdırdığı barədə xəbərlər dərc edilib.
