Bakı. Trend:
Norveç Rusiyaya qarşı çəkindirməni gücləndirmək məqsədilə Cənubi
Koreyanın Hanwha Aerospace şirkətindən 2 milyard dollar dəyərində
uzunmənzilli artilleriya sistemləri və raketlər sifariş edib.
Trend bu
barədə xarici KİV-ə istinadən xəbər verir.
Müdafiə Nazirliyinin məlumatına görə, ümumi dəyəri 19 milyard
Norveç kronu olan razılaşma çərçivəsində Norveç 16 buraxılış
qurğusu və açıqlanmayan sayda raket alacaq. Çatdırılma 2028–2031-ci
illər arasında mərhələli şəkildə həyata keçiriləcək.
Hanwha-nın Chunmoo sistemi ABŞ-nin Lockheed Martin şirkətinin
HIMARS sistemi ilə rəqabətdə üstün gəlib. Rəsmilər bildiriblər ki,
Cənubi Koreya sistemi 500 kilometrədək məsafəyə atəş açmaq imkanına
malikdir və ən sürətli çatdırılma təklifini təqdim edib.
Qeyd edək ki, Norveç Arktikada Rusiya ilə sərhədi paylaşır və
Ukraynadakı müharibənin fonunda uzunmənzilli artilleriyanın müasir
müharibədə həlledici rol oynadığını göstərdiyini vurğulayır.
