Bakı. Trend
Türkiyədə İstanbul Respublika Prokurorluğunun məşhurlara
yönəlmiş narkotiklərlə bağlı istintaqı çərçivəsində daha bir neçə
tanınmış sima saxlanılıb.
Trend bu barədə
xarici KİV-ə istinadən xəbər verir.
Saxlanılan 7 şübhəli arasında YouTube platformasında məşhurlaşan
müğənni Bilal Hancı da yer alır.
Əməliyyat çərçivəsində saxlanılan digər şəxslər arasında
tanınmış jurnalist, şou-biznes sahəsi üzrə müxbir Mehmet Üstündağ
da yer alır.
Saxlanılma qərarı verilmiş digər 3 şübhəlinin isə ölkə xaricində
olduğu müəyyən edilib.
