ABŞ-ın Braun Universitetində baş verən atışma nəticəsində Özbəkistandan olan bir tələbə həlak olub.
APA xəbər verir ki, bu barədə Özbəkistanın Xarici İşlər Nazirliyi məlumat yayıb.
Nazirlik həlak olanın ailəsinə və yaxınlarına başsağlığı verib.
XİN-in vurğuladığına görə, Özbəkistanın ABŞ-dakı diplomatik nümayəndəliklərinin əməkdaşları tələbənin qohumları ilə daimi əlaqə saxlayır və zəruri məsələlər üzrə Amerika qurumları ilə əməkdaşlıq edirlər.
Bildirilib ki, Mohammədəziz Umurzokov birinci kurs tələbəsi idi və neyrocərrahiyyə ixtisası üzrə təhsil alırdı.
Qeyd edək ki, hərbiçinin Universitetdə açdığı atəş nəticəsində iki nəfər ölüb, doqquz nəfər yaralanıb.
