Əli Əsədov Türkmənistana işgüzar səfərdədir

Azərbaycanın Baş naziri Əli Əsədov Türkmənistanda işgüzar səfərdədir.

“Report” xəbər verir ki, bu barədə Nazirlər Kabineti məlumat yayıb.

Aşqabad Beynəlxalq Hava Limanında Əli Əsədovu Türkmənistan Nazirlər Kabineti sədrinin müavini Məmmetxan Çakiyev və digər rəsmi şəxslər qarşılayıblar.

Qeyd edək ki, Azərbaycanı Türkmənistanın bitərəfliyinin tanınmasının 30-cu ildönümü ilə bağlı tədbirlərdə Baş nazir təmsil edəcək.