Terror törətməyə cəhddə ittiham olunan müxalif “Güclü Gürcüstan” koalisiyasının liderlərindən biri Aleko Elisaşvili barəsində həbs qətimkan tədbiri seçilib.
APA-nın yerli bürosu xəbər verir ki, hökmü Tbilisi Şəhər Məhkəməsi elan edib.
Müdafiə tərəfi siyasətçi barəsində 5 min lari girov məbləğində girov qətimkan tədbirinin seçilməsini tələb etsə də, məhkəmə ittiham tərəfinin vəsatətini təmin edib.
Xatırladaq ki, Elisaşvili noyabrın 29-da Tbilisi Şəhər Məhkəməsinin dəftərxana binasını yandırmağa cəhd edib. Günahının sübuta yetiriləcəyi halda, müxalifətçi 10 ildən 15 ilədək həbs cəzası ilə üzləşə bilər.
