Bakı. Trend:
İqtisadiyyat naziri Mikayıl Cabbarov Avropa İttifaqının (Aİ)
Azərbaycandakı Nümayəndəliyinin rəhbəri, səfir xanım Mariyana
Kuyundiç ilə Aİ-Azərbaycan tərəfdaşlığının prioritetlərini müzakirə
edib.
Trend xəbər verir ki, bu
barədə iqtisadiyyat naziri “X” sosial şəbəkə hesabında paylaşım
edib.
“Avropa İttifaqının Azərbaycandakı Nümayəndəliyinin rəhbəri
səfir Mariana Kuyundžić ilə Aİ-Azərbaycan tərəfdaşlıq
prioritetlərini müzakirə etdik. Ölkənin strateji inkişaf məqsədləri
və 2024-cü il üçün Aİ-nin Azərbaycan üçün Maliyyələşdirmə Sazişi
ilə bağlı fikirlərimizi bölüşdük”, – nazir əlavə edib.
Qeyd olunur ki, birgə fəaliyyətlər çərçivəsində ticarət, enerji,
nəqliyyat, infrastruktur və rəqəmsallaşdırma sahələrində
əməkdaşlığın şaxələndirilməsi üçün təşəbbüslər və imkanlar
vurğulanıb.
