Gürcüstanda Korrupsiyaya Qarşı Mübarizə Bürosu ləğv olunacaq.
APA-nın yerli bürosu xəbər verir ki, bu barədə Gürcüstan parlamentinin sədri Şalva Papuaşvili brifinqdə bildirib.
Onun sözlərinə görə, qurum 2026-cı ilin martın 2-dən etibarən fəaliyyətini dayandıracaq.
Spiker vurğulayıb ki, büronun funksiyalarını Dövlət Audit Xidməti həyata keçirəcək.
Qeyd edək ki, Korrupsiyaya Qarşı Mübarizə Bürosu Avropa İttifaqının tövsiyəsi əsasında 2022-ci ildə yaradılıb. Qurum dövlət qulluqçuları, partiya və QHT-lərin bəyannamələrini yoxlayır.
