Şahruddin Məhəmmədəliyev Fransa millisi ilə oyunda zədələnib

Azərbaycan millisinin qapıçısı Şahruddin Məhəmmədəliyev zədələnib.

“Report”un məlumatına görə, qolkiper DÇ-2026-nın seçmə mərhələsində Fransa yığmasına qarşı keçirilən matçda xəsarət alıb.

Qarşılaşmaya ilk “11-lik”də başlayan oyunçu ikinci hissədə meydana çıxa bilməyib. Onu Aydın Bayramov əvəzləyib.

Qeyd edək ki, Azərbaycan millisi hazırda məğlub durumdadır – 1:3.