Pakistanın Hayber Paxtunxva vilayətinin Svat bölgəsində yük maşını dərəyə aşıb.
APA Pakistan mətbuatına istinadən xəbər verir ki, hadisə nəticəsində azı 15 nəfər ölüb, 8 nəfər yaralanıb.
Xəsarət alanlar xəstəxanaya yerləşdirilib.
Ölənlərin əksəriyyəti uşaqlardır.
Sərnişinlər yaşadıqları yerdən başqa yerə köç edən ailələr olub.
Məlumata görə, qəzaya səbəb sürücünün sürət həddini aşması və idarəetməni itirməsi olub.
