Gürcüstan Avropa və Asiya bazarlarını birləşdirən ən qısa və ən sabit marşrut olan Orta Dəhlizin mərkəzində dayanır.
APA-nın yerli bürosu xəbəri verir ki, bunu Gürcüstanın Baş naziri İrakli Kobaxidze “Euronews” telekanalına müsahibəsində deyib.
Onun sözlərinə görə, Gürcüstan bu rola uyğunlaşmaq üçün əhəmiyyətli sərmayələr yatırır:
“Anaklia dərin dəniz limanı Qara dənizdəki ən müasir liman olacaq. Biz yaşıl enerji ixracatçısı kimi bütün potensialımızı üzə çıxarmaqla yanaşı, nəqliyyat, logistika və rəqəmsal infrastrukturu genişləndirir və modernləşdiririk”.
