Braziliya PrezidentiLula da Silva bildirib ki, yaxın vaxtlarda ABŞ lideri Donald Tramp ilə Ukraynada münaqişənin sülh yolu ilə həlli imkanlarını müzakirə etməyi planlaşdırır.
APA xəbər verir ki, bu barədə Braziliya lideri Nyu-Yorkda BMT-nin mənzil-qərargahında keçirilən mətbuat konfransında açıqlama verib.
“Ukrayna müharibəsi mövzusunda Tramp ilə danışıqlar aparacağam. Mən bilirəm ki, o, Rusiya Prezidenti Vladimir Putinin dostudur, mən də Putinin dostuyam. Əgər bir dost çox şey edə bilirsə, iki dost daha da çox şey edə bilər”, – deyə Lula qeyd edib.
