Lionel Messinin ABŞ-nin “İnter Mayami” klubundakı maaşı açıqlanıb.
Bu barədə MLS (“Major League Soccer” – ABŞ və Kanada komandalarının yarışdığı ən yüksək futbol çempionatı – red.) Futbolçular Assosiasiyası məlumat yayıb.
Argentinalı forvard çempionatda ən çox qazanan oyunçudur. Onun illik maaşı 12 milyon avrodur. Performans və marketinq bonusları ilə bu rəqəm hər il 20 milyon dollara çatır.
Messi “Toronto”da çıxış edən Lorenso İnsinye (14,6 milyon dollar) və “Çikaqo”dan Cerdan Şakirini (7,7 milyon dollar) üstələyir. İlk beşliyi “Los-Anceles Qelaksi”dən Xavyer Ernandes və “Toronto”dan Federiko Bernardeski tutur. Onlar hər ikisi ildə 5,9 milyon avro maaş alırlar.
Messinin “İnter Mayami”dəki komanda yoldaşları, sabiq “Barselona”lılar – Serxio Buskets və Jordi Alba əhəmiyyətli dərəcədə az məvacibə oynayırlar. Onların maaşı müvafiq olaraq, 1,6 və 1,2 milyon dollardır.
www.RESMIXEBER.az
