Bakı. Trend:
ABŞ Energetika Nazirliyi 2025-ci il üçün “Brent” markalı xam
neftin qiymət proqnozunu bir barel üçün 68,76 dollardan 68,91
dollara qaldırıb.
Trend-in məlumatına görə, bu barədə Nazirliyin Enerji
İnformasiya İdarəsinin (EIA) aylıq proqnoz məlumatlarında
bildirilib.
Nazirliyin hesablamalarına görə, noyabr ayında Brent neftinin
orta qiyməti 64 dollar/barel təşkil edib, halbuki oktyabr ayında bu
rəqəm 65 dollar/barel, 2024-cü ilin noyabr ayında isə 75
dollar/barel olub.
EIA analitikləri həmçinin 2026-cı ildə “Brent” markalı neftinin
qiyməti ilə bağlı proqnozlarını bir barel üçün 54,92 dollardan
55,08 dollara qədər artırıblar.
“Biz proqnozlaşdırırıq ki, “Brent” markalı neftinin qiymətləri
2026-cı ilin birinci rübündə orta hesabla bir barel üçün 55 dollara
düşəcək və ilin sonuna qədər bu səviyyəyə yaxın qalacaq”, – deyə
hesabatda bildirilib.
