Modern.az xəbər verir ki, “AI co-pilot” adlanan sistem Belçikada fəaliyyət göstərən Orsi Academynin törəmə şirkəti tərəfindən hazırlanıb. Sistem əməliyyat zamanı tibbi görüntü və məlumatları analiz edərək cərraha anlıq informasiya təqdim edir.
Bildirilir ki, həkimlər konsoldan ayrılmadan səsli əmrlərlə görüntüləri aça, məlumatlar arasında keçid edə və əlavə informasiya ala bilirlər. Süni intellekt həmçinin əməliyyatın mərhələsini müəyyən edərək uyğun görüntüləri avtomatik seçə bilir.
Qeyd olunur ki, sistem birbaşa tibbi qərar vermir, yalnız cərraha dəstək məqsədi daşıyır və geniş klinik tətbiqi üçün əlavə təsdiq mərhələləri tələb olunur. (TRT Haber)
