Qusarda meşədə itən kişi polis əməkdaşları tərəfindən tapılıb.
Bu barədə resmixeber.az-a DİN-in Mətbuat Xidmətinin Quba regional qrupundan məlumat verilib.
Məlumata görə, Qusar Rayon Polis Şöbəsinə rayonun Kuzun kənd sakini, psixi problemləri olan 47 yaşlı Gülbala Muradovun itkin düşməsi barədə məlumat daxil olub.
Polis əməkdaşları tərəfindən dərhal zəruri tədbirlər həyata keçirilib. Təxirəsalınmaz əməliyyat-axtarış tədbirləri nəticəsində G.Muradov meşənin dərinliklərindən tapılaraq ailəsinə təhvil verilib.
Könül Cəfərli
www.RESMIXEBER.az
