İsrailin Baş naziri Benyamin Netanyahu etiraf edib ki, İrana qarşı hava hücumları ilə rejim dəyişikliyinə nail olmaq çətindir. Onun sözlərinə görə, real rejim dəyişikliyi üçün “yer komponenti” tələb olunur.
Modern.az-ın məlumatına görə, Netanyahu mətbuat konfransında İranda bir ayətullahı digərinin əvəz etməsini “Hitleri Hitlerlə əvəz etməsi” kimi şərh edib.
O qeyd edib ki, İran xalqı sonda ayağa qalxmalıdır:
“Biz şərait yarada bilərik, amma onlar, bu şəraitdən düzgün anda istifadə etməlidirlər”.
Benyamin Netanyahu bildirib ki, “inqilab “yalnız havadan” baş verə bilməz:
“Havadan çox şey etmək olar və biz bunu edirik, amma… yer komponenti də olmalıdır”.
“Bu yer komponenti üçün bir çox variant var və mən bütün bu imkanları sizinlə bölüşməyəcəyəm”, – Netanyahu jurnalistlərə deyib.
