Cənubi Qafqazdakı müsbət hadisələr bizə xatırladır ki, hətta kök salmış münaqişələr belə sülhə doğru irəliləyə bilər.
“Report” xəbər verir ki, bunu BMT-nin Sivilizasiyalar Alyansının ali nümayəndəsi Migel Anxel Moratinos XIII Qlobal Bakı Forumunun açılışında bəyan edib.
“Azərbaycanla Ermənistan arasında 30 ildən artıq müddət ərzində davam etmiş münaqişə bütün bölgədə nəsillərə təsir göstərdi. Vəziyyət son illərin hadisələrini, o cümlədən BMT tərəfindən Təhlükəsizlik Şurasının qətnamələrinə uyğun olaraq çoxdan Azərbaycanın suveren ərazisinin bir hissəsi kimi tanınan Azərbaycan ərazilərinin bərpasını əhatə edir. Bu qətnamələr ərazi bütövlüyü və beynəlxalq səviyyədə tanınmış sərhədlərin toxunulmazlığı prinsipini təsdiqləyir – bu prinsiplər BMT Nizamnaməsinin əsasını təşkil edir”, – o qeyd edib.
Ən son xəbərləri bizim “WhatsApp” kanalımızda izləyin
