Bakı. Trend:
Türkiyə Prezidenti Rəcəb Tayyib Ərdoğan Azərbaycan
Respublikasının Naxçıvan Muxtar Respublikasına edilən pilotsuz
təyyarə hücumunu kəskin şəkildə pisləyib.
Trend-in
məlumatına görə, o, Ankarada sənətkarlar və sahibkarlarla iftar
süfrəsində Azərbaycan Prezidenti İlham Əliyevlə telefon danışığı
barədə danışıb.
Türkiyə Prezidenti bildirib ki, “Qardaşım İlham Əliyevlə
söhbətimdə Naxçıvan Muxtar Respublikasına edilən hücumdan
təəssüfləndiyimi bildirdim və bunu pislədim”.
Ərdoğan həmçinin bir gün əvvəl Türkiyənin cənub sərhədi
yaxınlığında İran raketinin vurulmasını xatırladıb. O qeyd edib ki,
“Biz İran tərəfinin diqqətini Türkiyə ilə dostluğun dəyərinə
yönəltdik və mehriban qonşuluq münasibətlərinə xələl gətirəcək
səhvlərdən çəkinməyə çağırdıq”.
Türkiyə lideri vurğulayıb ki, Ankara bölgədə qan tökülməsinin
qarşısını almaq və eskalasiyanın dönməz hala gəlməsinin qarşısını
almaq üçün diplomatik səylərini davam etdirir. “Əminəm ki, Türkiyə
bu regional qarışıqlıq dövründən uğurla çıxacaq”, – deyə Rəcəb
Tayyib Ərdoğan əlavə edib.
