Yaxın Şərqdə yaranmış vəziyyətlə əlaqədar olaraq uçuşları ləğv edilən ölkə vətəndaşlarının Azərbaycan tərəfindən Səudiyyə Ərəbistanının Ciddə şəhərindən Bakıya təhlükəsiz təxliyəsi həyata keçirilib.
Modern.az xəbər verir ki, AZAL-a məxsus “Boeing 787 Dreamliner” təyyarəsi Heydər Əliyev Beynəlxalq Aeroportuna eniş edib.
Təxliyə reysi vasitəsilə ümumilikdə 200 nəfərdən çox vətəndaşın ölkəyə qayıdışı təmin edilib. (Report)
18:45
Yaxın Şərqdə yaranmış vəziyyətlə əlaqədar uçuşları ləğv edilmiş Azərbaycan vətəndaşlarının Səudiyyə Ərəbistanının Ciddə şəhərindən Bakıya təhlükəsiz təxliyəsi həyata keçirilir.
Modern.az xəbər verir ki, bu barədə “Azərbaycan Hava Yolları” QSC-nin mətbuat xidmətindən bildirilib.
Belə ki, AZAL-a məxsus “Boeing 787 Dreamliner” tipli təyyarənin yaxın saatlarda Heydər Əliyev Beynəlxalq Aeroportuna enişi gözlənilir. Təxliyə reysi ilə ümumilikdə 209 vətəndaşın ölkəyə qayıdışı təmin olunur.
Hazırda AZAL milli aviadaşıyıcı olaraq müvafiq qurumlar tərəfindən müəyyən edilmiş prosedurlara uyğun şəkildə reyslərin təhlükəsiz və planlı icrasını həyata keçirir.
Qeyd edək ki, yaxın günlərdə Yaxın Şərqin digər istiqamətlərindən Bakıya əlavə təxliyə reyslərinin təşkili planlaşdırılır.
Əlavə suallar yarandığı təqdirdə, vətəndaşlar [email protected] elektron poçt ünvanı vasitəsilə aviaşirkətə müraciət edə bilərlər.
