ABŞ və İsrailin İrana qarşı başladığı hava əməliyyatları genişlənərək Livanı da əhatə edib.
Modern.az xəbər verir ki, İsrail Hizbullahın hücumlarına cavab olaraq Livanda zərbələr endirib, Tehran isə Körfəz ölkələrinə və Kiprdəki Britaniya aviabazasına raket və dron hücumları həyata keçirib.
İranın hücumu zamanı Küveyt hava hücumundan müdafiə sistemləri səhvən üç ABŞ-a məxsus F-15E döyüş təyyarəsini vurub. Altı ekipaj üzvü katapult edərək sağ xilas olunub.
ABŞ müdafiə naziri Pete Hegseth əməliyyatın müddətinin Prezident Donald Trump tərəfindən müəyyən ediləcəyini bildirib. ABŞ Baş Qərargah Rəisləri Komitəsinin sədri general Dan Caine isə ilk 24 saatda 1000-dən çox hədəfin vurulduğunu və əməliyyatın davam edəcəyini deyib.
İran nüvə silahı əldə etmək niyyətini inkar edir və hücumların əsassız olduğunu bildirir. Ölkə daxilində qarışıqlıq və etiraz əhval-ruhiyyəsi müşahidə olunur. (Reuters)
