“Biz bütün ssenarilərə hazırlaşmışıq və hətta imam Xameneinin ölümünə belə”, – bunu İran Parlamentinin sədri Məhəmməd Baqir Qalibaf bildirib.
Modern.az xəbər verir ki, İRNA-nın məlumatına görə, Qalibaf deyib ki, ABŞ və İsrail “qırmızı xətt”i keçiblər və bunun bədəlini ödəməlidirlər.
“İslam Respublikası üçün bu müharibə sadəcə mövcudluq deyil; son qisas vaxtı gəlib çatıb.
Biz amerikalılar və israillilərlə hesablaşacağıq. Siz “qırmızı xətt”imizi keçmisiniz – sizə elə sarsıdıcı zərbələr endirəcəyik ki, özünüz mərhəmət diləməyə məcbur olacaqsınız”, – Qalibaf deyib.
İranda ali dini lideri Seyid Əli Xamenei ötən gecə ABŞ və İsrailin hava zərbələri nəticəsində Tehrandakı iqamətgahında öldürülüb.
