Bakı. Trend:
Danimarkanın etirazlarına baxmayaraq, ABŞ Qrenlandiyanı ələ
keçirməkdə qərarlıdır.
Trend xəbər verir
ki, bunu Amerika Prezidenti Donald Tramp açıqlayıb.
O bildirib: “Bildiyiniz kimi, Danimarka ilə çox yaxşı
münasibətlərimiz var. Görəcəyik. Amma bilirsiniz ki, biz ‘Qızıl
Günbəz’ raketdən müdafiə sistemini qururuq. Biz çox iş görürük və
buna həqiqətən ehtiyacımız var”.
Prezident əlavə edib: “Əgər biz ora çatmasaq, Rusiya və Çin
çatacaq. Və Danimarka bu barədə heç nə edə bilməyəcək, amma biz hər
şeyi edə bilərik”.
Tramp yekun olaraq qeyd edib ki, bu məsələni artıq NATO-nun baş
katibi Mark Rutte ilə müzakirə edib.
