Bakı. Trend:
1 yanvar 2026-cı il tarixindən etibarən Çində minik
avtomobilləri və yüngül kommersiya nəqliyyat vasitələri üçün
yanacaq sərfiyyatını məhdudlaşdıran yenilənmiş milli standartlar
qüvvəyə minib.
Trend xəbər verir
ki, bu barədə Xinhuanet məlumat yayıb.
Yeni qaydalar 2026-cı ildən 2030-cu ilə qədər olan dövr üçün
nəqliyyat vasitələri üzrə daha sərt enerji səmərəliliyi hədəfləri
müəyyən edir.
Ənənəvi və hibrid minik avtomobilləri üçün yanacaq sərfiyyatı
standartları əvvəlki qaydalarla müqayisədə təxminən 18% azaldılıb.
Ən çox yayılmış seqment — təxminən 1,5 ton ağırlığında avtomatik
transmissiyalı avtomobillər üçün yeni limit 100 km-ə 7,74 litr
müəyyən edilib.
Yüngül kommersiya nəqliyyat vasitələri üçün ümumi yanacaq
sərfiyyatı limiti 10% azaldılıb. Təxminən 2 ton ağırlığında
benzinlə işləyən yük maşınları üçün yeni limit 100 km-ə 9,13 litr
olacaq.
Bu tədbirlərin həyata keçirilməsi Çin avtomobil sənayesində
texnoloji modernləşmə üçün güclü stimul təmin edəcək. Yeni tələblər
yalnız aşağı karbonlu iqtisadiyyata keçidi asanlaşdırmayacaq, həm
də yanacaq və elektrik enerjisi xərclərini azaldaraq son
istehlakçılar üçün nəqliyyat vasitələrinə sahib olmağı daha
səmərəli edəcək.
