Bakı. Trend:
Bankok danışıqlar çərçivəsində Kamboca tərəfinin hər iki ölkənin
qoşunlarını münaqişədən əvvəlki mövqeyə qaytarmaq təklifini rədd
edir.
Trend xəbər verir ki, bunu Tailandın Baş naziri Anutin
Çanvirakun bildirib.
Çanvirakun vurğulayıb: “Biz artıq Tailanda aid olduğunu
düşündüyümüz bölgələrdə suverenlik qurmuşuq. Güzəştə gedə bilmərik.
Danışıqlar Tailandı əldə etdiyi üstünlüklərdən məhrum etməklə yox,
reallıqlar nəzərə alınmaqla aparılmalıdır.”
Baş nazir bildirib ki, Tailand silahlı qüvvələri ərazi
məsələlərində nəzərdə tutulmuş hədəflərə çatdıqlarını
təsdiqləyiblər. Eyni zamanda, Bankok 72 saatlıq atəşkəsə razıdır və
bundan sonra Kambocanın əsir götürdüyü 18 əsgərin azad olunması
mümkün ola bilər.
