Paşinyan Rusiya tərəfindən iki dəmir yolu xəttinin bərpa edilməsini xahiş edib.
Modern.az xəbər verir ki, Paşinyan Azərbaycan istiqamətində Arazdəyən (Yerasx) və Türkiyə istiqamətində Türk Qarakilsəsi dəmiryolu xətlərinin bərpası üçün müraciət edib.
Baş nazir brifinqdə bildirib ki, yaxın gələcəkdə Rusiyadan Qazax-İcevan dəmir yolunun Ermənistan hissəsinin bərpa edilməsini də xahiş etmək niyyətindədir. O bunun regionda kommunikasiyaların açılmasının bir hissəsi olacağını deyib.
Qeyd edək ki, Rusiya Dəmir Yollarının törəmə müəssisəsi olan “Cənubi Qafqaz Dəmir Yolları” Ermənistan dəmir yollarının idarəçiliyini həyata keçirir.
