Bakı. Trend:
BMT-nin baş katibi Antonio Quterreş ABŞ və Venesuelanı təmkinli
olmağa və gərginliyi azaltmağa çağırıb.
Trend-in
məlumatına görə, bu barədə BMT rəhbərinin mətbuat katibinin müavini
Fərhan Haq brifinqdə bildirib.
“Baş katib daha da gərginləşmənin qarşısını almağa diqqət
yetirir. Baş katib təmkinli olmağa və vəziyyətin dərhal
azaldılmasına çağırır. O, bütün tərəfləri regionda sülhü qorumaq
üçün BMT Nizamnaməsi və digər tətbiq olunan hüquqi çərçivələr də
daxil olmaqla, beynəlxalq hüquq üzrə öhdəliklərinə əməl etməyə
çağırır”, – deyə o qeyd edib.
F.Haq əlavə edib ki, təşkilatın rəhbəri “mövcud vəziyyəti
yaxından izləyir və müvafiq tərəflərlə əlaqə saxlayır”.
