Misli Premyer Liqasında XIII turun daha bir oyunu keçirilib.
“Report”un məlumatına görə, günün ilk matçında “Şamaxı” “Sumqayıt”ı qəbul edib.
Qarşılaşma qonaqların qələbəsi ilə bitib – 2:1. “Şamaxı”da 70-ci dəqiqədə Karim Rossi fərqlənib. Qonaqların heyətində 88-ci dəqiqədə Aleksa Yankoviç, 90+1-ci dəqiqədə Aleksandr Ramalinqom adını tabloya yazdırıb.
Günün ikinci görüşündə “Araz-Naxçıvan” “Qəbələ”nin qonağı olacaq.
Qeyd edək ki, XIII turda “Zirə” “Kəpəz”i (2:0), “Sabah” “İmişli”ni (3:0), “Qarabağ” “Karvan-Yevlax”ı (2:0) məğlub edib. “Turan-Tovuz” – “Neftçi” oyununda hesab açılmayıb.
Ən son xəbərləri bizim Telegram kanalımızda izləyin
