Bakı. Trend:
Honkonqda yaşayış kompleksində baş vermiş yanğın nəticəsində
həlak olanların sayı 128 nəfərə çatıb.
Trend xarici
KİV-ə istinadən xəbər verir ki, bu barədə yerli rəsmilər
bildiriblər.
“Yanğın nəticəsində 128 nəfərin həlak olduğu yaşayış
kompleksində xilasetmə işləri başa çatdırılıb”, – deyə Honkonqun
təhlükəsizlik xidmətinin rəhbəri Krist Tanq qeyd edib.
12:35
xxx
Honkonqda yerləşən yaşayış kompleksində 94 nəfərin həyatına son
qoymuş yanğın tamamilə söndürülüb.
Trend bu barədə
xarici KİV-ə istinadən xəbər verir.
Yanğınsöndürənlər axtarış-xilasetmə tədbirlərini davam etdirir,
heç kimin içəridə qalmadığına əmin olmaq üçün mənzillərə bir-bir
baxış keçirilir.
Qeyd edək ki, noyabrın 26-da günorta saatlarında dünyanın ən sıx
məskunlaşan və ən çox hündür binaların yerləşdiyi şəhərlərdən olan
Honkonqun Tay Po rayonundakı 8 binadan və təxminən 2 min mənzildən
ibarət yaşayış kompleksində yanğın başlayıb. Yanğının binaların
üzlüyünün yenilənməsi üçün istifadə olunan bambuk ayaqaltılarında
başladığı və güclü küləyin təsiri ilə sürətlə yayıldığı
bildirilib.
