Bakı. Trend:
İtaliyanın “Roma” klubu yanvar transfer pəncərəsində
“Tottenhem”in cinah hücumçusu Matis Telə maraq göstərir.
Trend xəbər
verir ki, futbolçu cari mövsüm Tomas Frankın rəhbərliyi altında
əsas heyətdə çıxış etməkdə çətinlik çəkir və mövsümün əvvəlində
Çempionlar Liqası heyətinə daxil edilməyib.
Lakin beynəlxalq fasilədən əvvəl Matis Tel “Mançester
Yunayted”lə matçda ehtiyat heyətdən meydana çıxaraq fərqlənməyi
bacarıb. O, 2:2 hesablı oyunda qol vurub. Keçmiş “Bayern” ulduzu bu
mövsüm bütün turnirlərdə yalnız iki qol vurub, oktyabrda isə
“Tottenhem”in “Lids” üzərində 2:1 hesablı qələbəsində
fərqlənib.
Məlumata görə, London klubunun icarə təkliflərinə isti baxmadığı
və yalnız daimi transfer təkliflərini nəzərdən keçirəcəyi
bildirilir. Bununla yanaşı, baş məşqçi Tomas Frankın zədələr
səbəbindən heyəti zəiflətmək istəmədiyi də vurğulanıb.
