İran Marşall Adaları bayrağı altında üzən “Talara” neft tankerini və onun göyərtəsində olan 21 ekipaj üzvünü azad edib.
Bu barədə “Report” AP-yə istinadən bildirir.
Məlumata görə, Kiprdə yerləşən “Columbia Ship Management” şirkəti ekipaj üçün təhlükənin olmadığını bildirib.
“Biz onların ailələrinə məlumat vermişik və indi gəmi normal rejimdə işini davam etdirə bilər”, – şirkətdən bildirilib.
Açıqlamada həmçinin qeyd olunub ki, gəmi, onun ekipajı, eləcə də menecerlər və sahiblərinə qarşı heç bir ittiham irəli sürülməyib.
Xatırladaq ki, noyabrın 14-də İran İslam İnqilabı Keşikçiləri Korpusu (SEPAH) Marşall Adaları bayrağı altında üzən “Talara” neft tankerini ələ keçirərək İran sularına yönəldib.
Ən son xəbərləri bizim “Instagram” səhifəmizdə izləyin
