Bakı. Trend:
Oktyabrın 28-də alüminium qiymətləri təxminən 3,5 ilin ən yüksək
səviyyəsinə çatıb.
Trend-in məlumatına görə, bu barədə “LME” ticarət
platformasından bildirilib.
Məlumata əsasən, Bakı vaxtı ilə saat 20:40 üçün “LME”də üç aylıq
alüminium fyuçerslərinin qiyməti 0,6% artaraq ton başına 2893,5
dollar təşkil edib. Ticarət sessiyası ərzində isə 2022-ci ilin may
ayından bəri ən yüksək səviyyəyə, ton başına 2900,3 dollara
çatıb.
“Trading Economics” qeyd edib ki, qiymətlər qısa müddətdə
təklifin məhdudluğu və uzun müddətdə müsbət tələb proqnozları
fonunda yüksəlir.
