HƏMAS İsrailin atəşkəsi pozması səbəbindən bu gün tapılan israilli girovlardan birinin meyitini təhvil verməkdən imtina edib.
“Report”un xəbərinə görə, bu barədə hərəkatın teleqram kanalında məlumat verilib.
HƏMAS-ın hərbi qanadı olan “Əl-Qəssam” batalyonu bu gün Qəzza zolağının cənubundakı tunellərdə israilli əsirlərdən birinin meyitini tapdığını bildirib.
“Meyitin bu günə planlaşdırılan təhvil verilməsi (İsrail – red.) tərəfindən törədilən pozuntular səbəbindən təxirə salınacaq. Biz vurğulayırıq ki, İsrail tərəfində vəziyyətin hər hansı gərginləşməsi girovların axtarışı və tapılması əməliyyatlarına mane olacaq və onların qayıtmasını gecikdirəcək”, – bəyanatda bildirilir.
HƏMAS daha bir israilli girovun meyitini Beynəlxalq Qızıl Xaç Komitəsinin əməkdaşlarına təhvil verəcəyini açıqlayıb.
“Report” xəbər verir ki, bu barədə hərəkatın hərbi qanadı olan “İzzəddin əl-Qəssam Briqadaları” qruplaşmasının “Telegram” kanalında məlumat verilib.
“Mübadilə razılaşması çərçivəsində bu gün yerli vaxtla saat 20:00-da (Bakı vaxtı ilə 22:00) girovun meyitini təhvil verəcəyik”, – paylaşımda qeyd olunub.
Radikallar meyitin Qəzza zolağı ərazisindəki tunellərin birində tapıldığını bildiriblər.
Ən son xəbərləri bizim “WhatsApp” kanalımızda izləyin
