Bulvarda qəzaya uğrayan avtobusun sürücüsü xəsarət alıb.
Modern.az-ın məlumatına görə, bu barədə TƏBİB-dən bildirilib.
“Bu gün saat 10:51 radələrində Neftçilər prospekti istiqamətində, Bulvar ərazisi yaxınlığında 125 nömrəli müntəzəm marşrut avtobusun sürücüsünün səhhətində qəfil narahatlıq yaranıb və o, nəqliyyat vasitəsini dayandırmağa cəhd etsə də, idarəetməni itirərək avtobusu Bulvar ərazisinə tərəf yönəldib. Hadisə nəticəsində sərnişinlər arasında xəsarət alan olmayıb. Sürücüyə ilkin tibbi yardım göstərilməsi üçün dərhal Təcili Tibbi Yardım Xidməti çağırılıb”, – açıqlamada qeyd olunur.
“BakuBus” isə bildirilib ki, bu gün saat 10:51 radələrində Neftçilər prospekti istiqamətində, Bulvar ərazisi yaxınlığında “BakuBus” MMC-yə məxsus 125 nömrəli müntəzəm marşrut xətti üzrə hərəkətdə olan 99-JU-809 dövlət qeydiyyat nişanlı avtobusun iştirakı ilə yol-nəqliyyat hadisəsi baş verib.
Avtobusun sürücüsünün səhhətində qəfil narahatlıq yaranıb və o, nəqliyyat vasitəsini dayandırmağa cəhd etsə də, idarəetməni itirərək avtobusu Bulvar ərazisinə tərəf yönəldib.
Əlavə olaraq qeyd edilib ki, hadisə nəticəsində sərnişinlər arasında xəsarət alan olmayıb. Sürücüyə ilkin tibbi yardım göstərilməsi üçün dərhal Təcili Tibbi Yardım Xidməti çağırılıb.
***
11:48
Bakıda avtobus qəzaya uğrayıb.
Modern.az-ın məlumatına görə, “BakuBus”a məxsus 125 nömrəli sərnişin avtobusu yoldan çıxaraq ağaca çırpılıb.
Hadisə bulvar ərazisində baş verib.
Sosial şəbəkədə yayılan görüntüləri təqdim edirik:
