Bakı. Trend:
Çinin “Çancen” (“Böyük yürüş”) seriyalı daşıyıcı raketinin
600-cü buraxılışında bir qrup internet peyki orbitə çıxarılıb.
Trend xəbər verir ki, bu
barədə ölkənin yerli KİV-ləri məlumat yayıb.
Məlumata görə, raketin buraxılışı Haynan adasındakı özəl
kosmodromdan baş tutub.
Raket “China Satellite Network Group” şirkətinin peyklərini
planlaşdırılan orbitə çatdırıb.
Ölkənin əsas daşıyıcı raketi olan “Çancen” ilə indiyədək orbitə
təxminən 1400 kosmik aparat çıxarıb. “Çancen” seriyasından raketlər
Çinin kosmik buraxılışlarının 86 faizindən çoxunu həyata
keçirib.
