Bakı. Trend:
Amerika Birləşmiş Ştatları Qəzzada atəşkəslə bağlı razılaşmanın
həyata keçirilməsinin monitorinqi və lazımı dəstəyin göstərilməsi
məqsədilə İsrailə 200 nəfərlik hərbi kontingent göndərir.
Trend bu barədə
ABŞ KİV-ə istinadən xəbər verir.
Məlumata görə, ABŞ Mərkəzi Komandanlığı İsraildə Mülki-hərbi
əlaqələndirmə mərkəzi yaradacaq.
Sözügedən mərkəz müharibədən əziyyət çəkən əraziyə humanitar
yardımın çatdırılması, eləcə də logistika və təhlükəsizlik sahəsinə
dəstəyin göstərilməsinə vasitəçilik edəcək.
