Azərbaycanın bank sektorunda faiz dərəcəsi riski yoxdur.
“Report” xəbər verir ki, bunu Azərbaycan Mərkəzi Bankının (AMB) Maliyyə sabitliyi departamentinin direktoru Ataxan Həsənov bildirib.
Onun sözlərinə görə, Azərbaycan banklarının müddəti 1 ilə qədər olan aktivlərinin ümumi aktivlərdə payı 51 %, 1 il ə qədər olan öhdəliklərinin ümumi öhdəliklərdə payı isə 81 %-dir.
“Təhlillər göstərir ki, sektorda müddət uyğunsuzluğunun, başqa sözlə faiz dərəcəsi riskinin bankların kapital mövqeyinə təsiri minimaldır, dayanıqlılığa təhdid yaratmır”, – deyə AMB rəsmisi əlavə edib.
Ən son xəbərləri bizim “X” səhifəmizdə izləyin
