Bakı. Trend:
İngiltərənin cənubundakı Pisheyven (Şərqi Sasseks qraflığı)
şəhərində naməlum şəxslər məscidi yandırıb, araşdırma aparılır.
Trend-in
məlumatına görə, bu barədə Sasseks polisi məlumat verib.
“Təcili yardım xidmətlərinə saat 21:50 radələrində
Fillis-avenyuda yerşləşən binada yanğınla bağlı çağırış daxil olub.
Yanğın nəticəsində binanın əsas giriş hissəsinə və çöldə dayanmış
avtomobilə ziyan deyib. Xoşbəxtlikdən hadisə zamanı xəsarət alan
olmayıb. Hadisə nifrət zəminində törədilən cinayət kimi
qiymətləndirilir”, – deyə bildirilib.
