Bakıda marketə saxta əsginas verən şəxs TUTULDU

13:35 26-11-2021 13

Hövsan qəsəbəsində yerləşən marketlərin birinə saxta əsginas verən şəxs saxlanılıb.

Bu barədə Daxili İşlər Nazirliyi (DİN) məlumat yayıb.

Bildirilib ki, Suraxanı Rayon Polis İdarəsinin 30-cu Polis Şöbəsinə oktyabrın 28-də bir nəfərin iki ədəd 50 və üç ədəd 100 manatlıq saxta əsginas verməsi barədə məlumat daxil olub.

Polis əməkdaşları tərəfindən şübhəli bilinən qəsəbə sakini, əvvəllər məhkum olunmuş E.Şahverdiyev müəyyən edilərək saxlanılıb.

Faktla bağlı araşdırma aparılır.