UEFA Konfrans Liqası: “Roma” və “Budyö Qlimt” növbəti mərhələdə

02:10 26-11-2021 13

UEFA Konfrans Liqasının qrup mərhələsində V tura yekun vurulub.

Başa çatan matçlardan sonra daha 2 komandanın 1/8 finala vəsiqə qazanmasına aydınlıq gəlib.

A qrupunda İsraildə Təl-Əviv “Makkabi”sinə qalib gələn Avstriyanın LASK klubu və D qrupunda Çexiyada “Yablonets”lə heç-heçə edən Niderlandın AZ kollektivi vaxtından əvvəl növbəti mərhələyə yüksəlib.

C qrupunda isə matçlarını qələbə ilə başa vuran İtaliyanın “Roma” və Norveçin “Budye Qlimt” komandaları ən azı pley-offa vəsiqəni təmin ediblər.

UEFA Konfrans Liqası, qrup mərhələsi

V tur

A qrupu

"Makkabi" (Təl-Əviv, İsrail) - LASK (Avstriya) - 0:1

B qrupu

"Anortosis" (Kipr) - "Gent" (Belçika) - 1:0

C qrupu

"Roma" (İtaliya) - "Zarya" (Luqansk, Ukrayna) - 4:0

"Budyö Qlimt" (Norveç) - "MOİK-Sofiya" (Bolqarıstan) - 2:0

D qrupu

"Randers" (Danimarka) - ÇFR (Kluj, Rumıniya) - 2:1

"Yablonets" (Çexiya) - AZ (Niderland) - 1:1