Şəmkirdə yol qəzası olub, xəsarət alanlar var

21:30 24-11-2021 11

Bakı-Qazax magistral avtomobil yolunun Şəmkir rayon ərazisindən keçən hissəsində yol-nəqliyyat hadisəsi baş verib.

“Report” xəbər verir ki, qəza zamanı bir neçə nəfərin xəsarət aldıqları bildirilir.

Hadisə yerinə təcili tibbi yardım maşınları və Dövlət Yol Polisi İdarəsinin əməkdaşları cəlb olunub.

Qəzanın təfərrüatları hələ ki məlum deyil.

Faktla bağlı araşdırmalara başlanılıb.