“Neftçi”nin Müşahidə Şurasından Samir Abasova dəstək

19:40 24-11-2021 13

Bu gün “Neftçi” PFK-nın Müşahidə Şurasının iclası keçirilib.

Klubdan verilən məlumata görə, onlayn şəkildə təşkil olunmuş iclasda komandanın son nəticələri və baş məşqçi Samir Abasovla hazırkı durum müzakirə edilib.

Sonra Müşahidə Şurasının üzvləri komandanın vəziyyətinin düzəldilməsi ilə bağlı fikirlərini bildiriblər.

Sonda baş məşqçiyə dəstək verən üzvlər Samir Abasovun qısa zaman ərzində komandanı toparlayacağına inandıqlarını qeyd ediblər və ona növbəti oyunlarda uğurlar arzulayıblar.