Türkiyədən Azərbaycana Ramazan ayı ilə bağlı jest - FOTO/VİDEO

15:40 03-05-2021 14

Türkiyənin Müstəqil Sənayeçi və İş Adamları Dərnəyinin (MÜSİAD) Azərbaycan şöbəsi ehtiyacı olan insanlara yardım payı göndərib.

Bu barədə “Son Dakika” xəbər yayıb.

Məlumata görə, qurum Ramazan ayı münasibəti ilə həyata keçirilən aksiyada Qarabağ müharibəsində şəhid olan hərbçilərin və qazilərimizin ailələri başda olmaqla tək yaşayan pensiyaçılar, muzdla işləyən aztəminatlı 900 ailəyə zəruri ərzaqlardan ibarət bağlamalar yollayıb.

Yardım payı Bakıda və Qarabağ müharibəsində Ermənistanın hücumundan zərər görən şəhərlərdə paylanılıb.