Ukraynalı deputat: “Azərbaycanın təcrübəsi indi bizim üçün çox maraqlıdır”

14:50 07-04-2021 8

“Türkiyə və Azərbaycan Ukraynanın strateji tərəfdaşlarıdır”.

Bunu Ukrayna Ali Radasının insan hüquqları, müvəqqəti işğal edilmiş ərazilərin deokupasiyası və reinteqrasiyası Komitəsinin sədr müavini Nelli Yakovleva Caliber.Az-a müsahibəsində deyib.

O, Ukraynanın Müvəqqəti İşğal Edilmiş Ərazilər üzrə naziri Aleksey Reznikovun Azərbaycana səfərini faydalı hesab edir:

“Azərbaycanın ölkəsinin ərazi bütövlüyünü bərpa etmək təcrübəsi bizim üçün çox maraqlıdır və Aleksey Reznikovun səfəri çox faydalı olacaq. Qarabağdakı münaqişə uzun müddət dondurulmuş hesab edildi. Ancaq 2020- ci ildə hər şey dəyişdi. Biz də ərazi bütövlüyünün bərpası üçün çalışmalıyıq”.

Yakovleva Ukrayna Prezidenti Vladimir Zelenskinin Türkiyə səfərindən də bəhs edib:

“Hesab edirəm ki, Prezident Vladimir Zelenskinin Türkiyəyə səfərində Krım məsələsi vurğulanacaq, çünki Türkiyə həmişə bizim Krım tatarlarına kömək edib”.