Millimizin məşqçisinin qızı rəqsi ilə Moskvanı heyran qoydu - VİDEO

17:15 22-02-2021 24

Bədii gimnast Lalə Kramarenko öz rəqsi ilə Rusiyanı heyran edib.

milletinsesi.info-ın xəbərinə görə, 19-21 fevral tarixlərində Rusiyanın paytaxtı Moskvada bədii gimnastika üzrə Qran-Pri yarışı keçirilib.

17 ölkənin mübarizə apardığı turnirdə Azərbaycan təmsil olunmasa da, Kramarenko Rusiya millisinin üzvü kimi iştirak edib. Yarışda bürünc medal qazanan Kramarenko yarışdan sonra keçirilmiş qala-konsertdə öz rəqs bacarığını da nümayiş etdirib.

İrina Viner-Usmanova adına Gimnastika Sarayında keçirilən yarışda 16 yaşlı Lalə türk müğənnisi Tarkanın “Şımarık” mahnısı fonunda gözəl rəqs edib. Həmçinin o, pianoda klassik musiqinin müşayiəti ilə rəqs bacağını göstərib. 

Qeyd edək ki, Lalə Kramarenko Moskvada doğulub. O, futbol millimizin və Rusiyanın ÇSKA klubunun qapıçılar üzrə məşqçisi Dmitri Kramarenkonun qızıdır. Onun digər bacısı tennislə məşğuldur.

Səbuhi Musayev